Get In Touch
Bole, Africa Avenue Addis Ababa Ethiopia
Email info@orointbank.com
Ph: + 251 115 572 002
P.O.Box: 27530/1000 Addis Ababa,Ethiopia
Fax: + 251 115 572 002
SWIFT CODE: ORIRETAA

የኦሮሚያ ባንክ የሽግግር ዋና መስሪያ ቤት የመጨረሻዉ የኮንክሪት ስራ ሙሌት (Structural Work) በስኬት ተጠናቀቀ፡፡

ወሳኝ የግንባታዉ ምዕራፍ መጠናቀቁን አስመልከቶ የመጨረሻዉ የኮንክሪት ጠብታ የባንኩ የስራ ዓመራር ቦርድ አባላት እና ከፍተኛ የስራ ሀላፊዎች በተገኙበት ተከናዉኗል፡፡
በመሃል ፊንፊኔ ጎማ ቁጠባ አከባቢ እየተገነባ የሚገኘዉ ባለ 35 ወለሉ የባንኩ የሽግግር ዋና መስሪያ ቤት በያዘዉ ገዢ ቦታ ለባንካችን ተጨማሪ አዲስ ከፍታ፣ ለከተማችን አዲስ የእይታ አድማስ እና ዉበት፣ለሀገራችን ተጨማሪ ኩራት ይሆናል ተብሎለታል፡፡
የሽግግር ዋና መስሪያ ቤቱ ወሳኝ ግንባታ ምዕራፍ የኮንክሪት ሙሌት መጠናቀቁን አስመልክቶ፤ የኦሮሚያ ባንክ የዳይሬክተሮች ቦርድ ሰብሳቢ ዶ/ር አሰፋ ስሜ ባስተላለፉት መልዕክት፤ ግንባታዉ ያለምንም መጓተት በተቀመጠለት የጊዜ ገደብ እና ጥራት የመጀመሪያ ምዕራፍ ግንባታዉ መጠናቀቁ እጅግ ትልቅ ስኬት ነዉ ብለዋል፡፡
የኦሮሚያ ባንክ ዋና ስራ አስፈፃሚ ኦቦ ተፈሪ መኮንን በበኩላቸዉ ባንኩ ካስመዘገባቸው ጉልህ ስኬቶች መካከል እንደ አንዱ የሚቆጠረዉ የሽግግር ዋና መስሪያ ቤት ግንባታ፤ በከፍተኛ ጥራት እና ፍጥነት መጠናቀቁ ያኮራናል ብለዋል፡፡ ለዚህም ስኬት የስራ ተቋራጩን እና አማካሪዉን ድርጅት አመስግነዋል፡፡  ለሰራተኞቹ ደህንነት ትኩረት የሰጠዉ ይህ ግንባታ ያለምንም የሰራተኞች ጉዳት የኮንክሪት ስራዉ መጠናቀቀኑን ያደነቁት ኦቦ ተፈሪ፤ የፊኒሺንግ ስራዉም በዚሁ አግባብ እንዲጠናቀቅ አሳስበዋል፡፡
በዳይሬክተሮች ቦርድ የእስራቴጂ፣ የአይቲ እና የኢንቨስትመንት ንዑስ ኮሚቴ አባል የሆኑት የተከበሩ ዶ/ር እንጂነር እሸቱ ተመስገን የሽግግር ዋና መስሪያ ቤቱ ግንባታ ጥራት እና ፍጥነት ለሌሎች ለሀገራችን የግንባታ ስራዎች መልካም ተሞክሮ መሆኑን አዉስተዉ ይህ ስኬት የባንኩ ብቻ ሳይሆን የሀገር ስኬት መሆኑን ጨምረዉ ገልፀዋል፡፡
ግንባታዉን እያከናወነ የሚገኘዉ የቻይናዉ ስራ ተቋራጭ ሲጂአይሲ የኢትዮጵያ ዳይሬክተር ሚስተር ሺ ቹን አና ግንባታዉን የሚያማክረዉ የኬቱኤን ኢንጂነሪንግ አማካሪ ድርጅት ዋና ዳይሬክተር አቶ ካሳሁን ማሞ በጋራ ባስተላለፉት መልዕክት ባንኩ ስለጣለባቸዉ እምነት አመስግነዉ የፊኒሺንግ ስራዉን በተቀመጠለት ጊዜ እና ጥራት ለመጨረስ ተግተዉ እንደሚሰሩ ቃል ገብተዋል፡፡
በ2,200 ካሬ ሜትር ላይ ያረፈዉ ባለ 35 ወለሉ የኦሮሚያ ባንክ የሽግግር ዋና መስሪያ ቤት፤ ከባንኩ ሜጋ ፐሮጀክቶች መካከል አንዱ ሲሆን ከአንድ ዓመት ባነሰ ጊዜ ዉስጥ የፊኒሺንግ ስራዉ ተጠናቆ ለአገልግሎት ዝግጁ ይሆናል ተብሎ ይጠበቃል፡፡